Letters from our friends

October, 2011

Bennie Ons is veilig terug met great herinneringe van ‘n baie goeie naweek. Die koue slaan lekker vas ook hier in Jeffreys ! Wil graag net baie dankie sê vir ‘n jag wat lank in ons gedagtes gaan voortleef. Jou besigheid is goed ge-olie en loop lekker, dit laat ‘n goeie smaak in mens se mond agter. Dankie vir die mannier wat jy met ons seuns - en ons - gewerk het; en spesifiek met Hano, ek kan sien hoe ‘n indruk dit op hom gemaak het. In Deon het jy ook ‘n man wat vir jou baie beteken - hy is sommer ‘n lekker mens. Ons het heerlik gebly, gekuier en gejag; baie dankie. Sterkte met jou besigheid. Ek hoop dit groei lekker en dat jy en jou gesin baie vreugde en wins daaruit sal put. Groete, Lukas van Vuuren Jeffreysbaai

Hallo daar Bennie en Hessie Eerstens dankie vir ‘n lekker onverwagse jag….en die modder pad….en die koue…en die lekker warm vuur…. en die lekker ontbyt… en die vetkoek deeg ……en die Steak en Chips…..en die Avokado Pere….en die…ag sommer als. Dit bly lekker om daar te kuier en ons sal weer kom. Anders as daar by julle is ek darem op die plaas in die Laeveld en dis darem so paar grade Celsius warmer as daar by julle. Ek sien uit na jul kuier binnekort en ek sorg dat daar genoeg hout is vir ‘n lekker groot vuur elke aand en ‘n groot pot Koffie. Groete, André en klein André